कवि तथा गीतकार दिनेश अधिकारीको नवीनतम सांगीतिक एल्बम ‘अनवरत’ सार्वजनिक भएको छ । गीतकार किरण खरेल, गायक प्रेमध्वज प्रधान, संगीतकारद्वय दीपक जङ्गम र शक्ति बल्लभसमेतले सार्वजनिक गर्नुभएको उक्त एल्बम विन्ध्यवासिनी म्युजिकले बजारमा ल्याएको हो ।
सात गीत रहेको उक्त एल्बममा रहेका सबै गीतमा सांगीतकार राजकुमार बगरको संगीत छ । गीतकार अधिकारीको ‘अनवरत’ १४औँ एकल सांगीतिक एल्बम हो । नयाँ पुस्ताका गायक गायिकाको बाहुल्य रहेको एल्बममा रामकृष्ण ढकाल, रामचन्द्र काफ्ले, निशा देशार, राज सिग्देल, प्रवीण अधिकारी, श्रेयसी चेम्जोङ, सीडी विजय र प्रताप दासले स्वर दिनुभएको छ ।
