अफगानिस्तानको उत्तरी प्रान्त बादख्सानको राघिस्तान जिल्लामा तालिबान लडाकु समूह लुकेर बसेका स्थानलाई लक्ष्य गरी गरिएको हवाई कारबाहीमा परी कम्तीमा ३० लडाकु माएिका प्रान्तीय सरकारका प्रवक्ता निक मोहमद नाजिरले मङ्गलबार जानकारी दिनुभएको छ ।
सो हवाई कारबाहीमा तालिबान लडाकु समूह लुकेर बसेका तीनवटा बासस्थानमा र हातहतियार ध्वस्त भएको जनाइएको छ । विगत दुई सातामा बादख्सान प्रान्तका तीनवटा जिल्ला गुमाएका तालिबान लडाकु समूहले यस कारबाहीका बारेमा कुनै टिप्पणी गरेका छैनन् ।
