नेपाल एसबीआई बैंकले आफ्ना शेयरधनीलाई १६.८४ प्रतिशत लाभांश दिने भएको छ । बैंकको आइतबार बसेको सञ्चालक समितिको बैठकले ६ प्रतिशत शेयर लाभांश र १०.८४ प्रतिशत नगद लाभांश दिने निर्णय गरेको हो ।
बैंकको आर्थिक वर्ष २०७५/०७६ को वार्षिक आर्थिक विवरण स्वीकृत गर्दै गत वर्षको मुनाफा तथा विगत वर्षमा आर्जित मुनाफाबाट उक्त लाभांश दिन लागेको जनाएको छ । बैंकले आफूले गरेको उक्त निर्णय आज नेपाल स्टक एक्सचेञ्जलाई जानकारी गराएको हो । उक्त प्रस्तावलाई बैंकको आगामी २६औँ वार्षिक साधारसभा र नेपाल राष्ट्र बैंकले स्वीकृति दिएपछि वितरण गरिने कम्पनीका सचिव भीष्म नेउपानेले जानकारी दिनुभयो ।
सो बैंकले अघिल्लो आवमा १५.७९ प्रतिशत लाभांश बाँडेको थियो ।
