भारतका गुप्तचर निकायहरूले केन्द्रीय राजधानी नयाँ दिल्लीमा आतङ्कवादी आक्रमण हुन सक्ने जानकारी दिएका छन् । महत्त्वपूर्ण तथा ठूला चाडपर्वहरूको पूर्वसन्ध्यामा आक्रमणको चेतावनी आएको दिल्ली प्रहरीको विशेष सेलले जनाएको छ ।
उनीहरूले राजधानी नयाँ दिल्लीका नौ देखि १० ठाउँमा आक्रमणको चेतावनी दिइएको प्रहरी अधिकारीहरूको भनाइ छ । प्रहरीले हमलाको सूचना पाएको बताए पनि अहिलेसम्म शंकास्पद कसैलाई पक्राउ गरेको छैन ।
आक्रमण गर्ने योजना बनाएकाहरूको खोजी र सुरक्षा व्यवस्था कडा पार्ने कार्य भइरहेको दिल्ली प्रहरीले जनाएको छ ।
