धितोपत्र बजारमा शेयर कारोबार मापक नेप्से परिसूचक मंगलवार सामान्य अङ्कले सुधार भएको छ । नेपाल स्टक एक्सचेञ्जका अनुसार नेप्से परिसूचक ३.६२ विन्दुले बढेर एक हजार १४०.५८ विन्दुमा पुगेको छ । यस्तै, सेन्सेटिभ परिसूचक ०.९७ विन्दुले बढेर २५०.१४ मा पुगेको छ ।
नेप्से सामान्य अङ्कले बढे पनि कारोबार रकम भने औसतमा समेटिएको छ । कुल १५० कम्पनीको सात लाख १९ हजार ३३० कित्ता शेयर २० करोड ९२ लाख छ हजार ६३१ रुपैयाँमा कारोबार भयो । स्टकका अनुसार कारोबार भएका कुल १२ उपसमूहमध्ये आज तीन उपसमूहको मात्रै शेयर ओरालो लागेको छ भने नौ उपसमूहको शेयर उकालो लागेको छ ।
निर्जीवन बीमा १०.३४, उत्पादन ३.६ र जीवन बीमा ९.६ विन्दुले घटेको छ । यस्तै, बैंकिङ ३.४४ बढ्दा व्यापारको भने कुनै विवरण उल्लेख छैन । होटल १९.४९, विकास बैंक ८.२, जलविद्युत् २.१८, वित्त १.७५, अन्य ६.१७, लघुवित्त ४.६१ र सामूहिक लगानी कोषको पनि विवरण उल्लेख छैन ।
कारोबारका आधारमा आज सिदार्थ बैंक शीर्ष स्थानमा रहेको छ । सो बैंकको तीन करोड ७६ लाख ७४ हजार ६०३ रुपैयाँ बराबरको शेयर कारोबार भएको छ । यस्तै, एसियन लाइफ इन्स्योरेन्स कम्पनीको संस्थापक शेयर तीन करोड ६९ लाख ६० हजार, कृषि विकास बैंक एक करोड ४० लाख ४१ हजार ६१२, प्रभु बैंक एक करोड २८ लाख ५३ हजार ४७१, शिवम् सिमेन्ट ६७ लाख ५० हजार १६७, चिलिमे जलविद्युत् कम्पनी ६३ लाख ८९ हजार रुपैयाँमा कारोबार भई शीर्ष स्थानमा रहे ।
स्टकका अनुसार आज आरएमडीसी लघुवित्त वित्तीय संस्थाका शेयरधनीले ५.९३ प्रतिशतले कमाए । सिनर्जी पावर ५.५६, ग्रीन डेभलपमेन्ट बैंक ४.९०, सबैको लघुवित्त वित्तीय संस्था ४.७०, ओरियन्टल होटल ३.९० र महिला सहयात्रा माइक्रोफाइनान्स वित्तीय संस्थाका शेयरधनीले ३.८४ प्रतिशतले आर्जन गरे ।
त्यस्तै, सिटी एक्सप्रेस फाइनान्स कम्पनी ५.८८, गुराँस लाइफ इन्स्योरेन्स कम्पनी ४.९४, हिमालयन पावर पार्टनर ३.४७, नेपाल इन्स्योरेन्स कम्पनी ३.३०, एनएमबी माइक्रोफाइनान्स ३.२५ र एभरेष्ट इन्स्योरेन्स कम्पनीका लगानीकर्ताले २.९७ प्रतिशतले गुमाए ।
