लोकसंवाद संवाददाता | समाचार | फाल्गुन ३, २०७५
काठमाडौं । अख्तियार दुरुपयोग अनुसन्धान आयोगका आयुक्त राजनारायण पाठकले राजीनामा दिनुभएको छ । उहाँले शुक्रबार दिउँसो राष्ट्रपति विद्यादेवी भण्डारीसमक्ष राजीनामा दिनुभएको हो ।
संविधानको धारा २३८ बमोजिम आजैदेखि लागू हुने गरी उहाँले आयुक्त पदबाट राजीनामा दिनुभएको राष्ट्रपतिको कार्यालयले जनाएको छ ।
संसद्ले महाअभियोग दर्ता गर्ने तयारी गरिरहेका बेला कारवाहीबाट जोगिन उहाँले राजीनामा दिनुभएको जानकार बताउँछन् । तर, उहाँले राजीनामा दिए पनि भ्रष्टाचारको कारवाहीबाट जोगिने अवस्था नरहेको स्रोत बताउँछ ।
संवैधानिक अंगमा रहेको व्यक्तिमाथि कारवाहीको पहिलो प्रक्रिया भनेको महाअभियोगको कारवाही हो ।