एएफसी १९ वर्षमुनि (यु–१९) च्यापिम्पयनसीप छनोटअन्तर्गत आफ्नो दोस्रो खेलमा नेपालले शुक्रवार इरानको सामना गर्दै छ । इरानको तेहरानस्थित पीएएस रङ्गशालामा हुने उक्त खेलमा नेपालले विजयी लक्ष्य हासिल गर्ने उद्देश्यका साथ घरेलु टोली इरानको सामना गर्दै छ ।
उक्त खेल नेपाली समयअनुसार आज राती ८ बजे सुरु हुनेछ । छनोटको पहिलो खेलमा नेपाल संयुक्त अरब इमिरेट्स (युएई)सँग ४–० गोल अन्तरले पराजित भएको थियो । त्यस्तै, इरानले भने आफ्नो पहिलो खेलमा किर्गिस्तानलाई ३–० गोल अन्तरले पराजित गरेको थियो ।
आजै हुने अर्को खेलमा युएई र किर्गिस्तान भिड्नेछन् । नेपाल समूह 'डी'मा रहेको छ । नेपालको समूहमा युएई, किर्गिस्तान र आयोजक इरान छन् । अङ्क तालिकामा तीन अङ्क जोडेको इरान शीर्ष स्थानमा छ भने समान तीन अङ्क नै बनाएको युएई गोलअन्तरका आधारमा दोस्रो स्थानमा छ ।
यस्तै, नेपाल र किर्गीस्तान भने अङ्कविहीन रहँदै तेस्रो र चौथो स्थानमा छन् । प्रतियोगिताको अन्तिम खेलमा नेपालले आइतवार किर्गिस्तानको सामना गर्नेछ ।