एनएमबी बैंकले आफ्ना शेयरधनीलाई कुल ३५ प्रतिशत लाभांश दिने प्रस्ताव गरेको छ । बैंकले आर्थिक वर्ष २०७५/०७६ को मुनाफाबाट २१ प्रतिशत शेयर लाभांश प्रदान गर्ने भएको छ ।
त्यस आधारमा कुल दुई करोड ४२ लाख १२ हजार ४५७ कित्ता शेयर प्रदान गरिनेछ । यस्तै, कर प्रयोजनका लागि भने नगद लाभांश प्रदान गर्न लागिएको छ । कुल १४ प्रतिशत नगद लाभांश अर्थात् एक अर्ब ६१ करोड ४१ लाख ६३ हजार ८३९ रुपैयाँ वितरण गर्ने प्रस्ताव गरिएको छ ।
बैंकका प्रमुख कार्यकारी अधिकृत सुनिल केसीका अनुसार उक्त लाभांश प्रस्ताव नेपाल राष्ट्र बैंकको स्वकिृत तथा बैंकको वार्षिक साधारणसभाबाट पारित भएपछि वितरण गरिनेछ । बैंकको हाल चुक्ता पुँजी ११ अर्ब ५२ करोड ९७ लाख ४१ हजार ७०७ रुपैयाँ रहेको छ ।