फिलिपिन्समा सोमबार भएको भिडन्तमा परी कम्तीमा छ जनाको मृत्यु भएको छ । घटनामा परी अरू २० भन्दा बढी घाइते भएको प्रहरी अधिकारीले मंगलवार जानकारी दिएका छन् ।
फिलिपिन्सको सरकारी सुरक्षाकर्मी र विद्रोही समूहबीचमा पूर्वीसामर प्रान्तमा भीडन्त भएको बताइएको छ । स्थानीय समयअनुसार सोमवार बेलुकी ५ बजेतिर झण्डै ३० मिनेट झडप भएको अधिकारीले बताएका छन् । घटनाका बारेमा फिलिपिन्सको सेनाले भने अहिलेसम्म केही प्रतिक्रिया दिएको छैन ।
राष्ट्रपति रोड्रिगो डुटेर्तेले विद्रोहीविरुद्धको कारबाही अझ शसक्त बनाउन निर्देशन दिनुभएको छ । फिलिपिन्समा सन् १९६९ देखि विद्रोह गर्दै आएको एनपीएलाई उहाँले सन् २०२२ सम्ममा अन्त्य गर्ने अठोट लिनुभएको छ ।
