लोकसंवाद संवाददाता | समाज | मंसिर २६, २०७६
मकवानपुर । गढी गाउँपालिका– ४ बन्दडाँडास्थित सडकमा बा४ख ३६५५ नम्बरको टिपरको ठक्करबाट पैदलयात्रीको मृत्यु भएको छ ।
फरार टिपर चालकको प्रहरीले खोजी गरिरहेको छ ।
यसैगरी मकवानपुर, हेटौंडा उपमहानगरपालिका– ९ स्थित सडकमा ना४२प ७५०६ नम्बरको मोटरसाइकलको ठक्करबाट गम्भीर घाइते भएकी पैदलयात्री हाल नाम, थर, वतन नखुलेकी अन्दाजी ४५ वर्षीया महिलाको हेटौंडा अस्पतालमा उपचारको क्रममा मंगलबार राती मृत्यु भएको छ ।
साथै दुर्घटनामा घाइते भएका मोटरसाइकल चालक पर्सा पर्सागढी नगरपालिका- ६ बस्ने ३० वर्षीय कन्चन ठाकुरलाई उपचारका लागि भरतपुरतर्फ लगिएको छ भने मोटरसाइकलमा सवार चितवन भरतपुर महानगरपालिका– १० बस्ने ३५ वर्षीया शर्मिला थापाको चुरेहिल अस्पतालमा उपचार भइरहेको छ ।
दुर्घटनाका सम्बन्धमा स्थानीय प्रहरीले थप अनुसन्धान गरिरहेको छ ।