तिलक पौडेल | समाज | फाल्गुन ११, २०७५
तिमीले भन्यौ
जीवनमा भुल हुन्छन्
तर किन किन मलाई
जीवन नै भुल लाग्छ ।
तिमीले भन्यौ
भुलले, एकदिन मान्छे मूल भेट्छ
तर तर किन किन मलाई
मूल पनि शूल झैँ लाग्छ
शूल गाडिएको यो जीवन
मलाई साच्चै नै भुल लाग्छ ।
तिमीले भन्यौ
भुलले मान्छेलाई बाटो दिन्छ
कर्मको बाटोमा मान्छे महान बन्छ
कुकर्मको बाटोले मान्छे तुच्छ बन्छ
तर किन किन मलाई
महानता एक मञ्चन लाग्छ ।
तिमीलाई लाग्ला
कायरहरु जीवनलाई भुल सोच्छन्
र यही दर्शनको बुद्मतामा मुर्खता जिउँछन
तर किन हो किन मलाई
कायरहरु नै मन पर्छन् ।
के तिमीलाई थाहा छ रु
बुद्धिमानहरु लामखुट्टे भगाउन झुल किन्छन्
र बहादुर बनेर रातभरी झुलभित्र लामखुट्टे मार्छन्
तर कायरहरु आफैलाई सफा गर्छन्
र आनन्दको निद्रा सुत्छन् ।