‘भिजिट मधेश नेपाल–२०२०’ घोषणा

‘भिजिट मधेश नेपाल–२०२०’ घोषणा

लोकसंवाद संवाददाता  |  पर्यटन  |  पुष २३, २०७६

काठमाडौं । भ्रमण वर्ष २०२० लाई सफल बनाउने उद्देश्यले ‘भिजिट मधेश नेपाल–२०२०’ घोषणा गरिएको छ । नेपाल आएका विदेशी पर्यटकलाई मधेश भ्रमण गराउने ध्येयले उक्त घोषणा गरिएको हो । 

मङ्गलबार आयोजित पत्रकार सम्मेलनमा भिजिट मधेश नेपालद्वारा  ‘भिजिट मधेश डटकम’ र भिजिट मधेश नामक मोबाइल एप्पको शुरुआत गरिएको छ ।  तराई मधेसको फरक हावापानी, पर्यावरण, ऐतिहासिक, पुरातात्विक, धार्मिक एवं प्राकृतिक सम्पदा र धरोहरहरुले पर्यटकलाई झन् आकर्षित गर्न मद्दत गर्ने विश्वास गरिएको छ ।

तराई मधेसका २२ वटै जिल्लालाई जोड्ने गरी नागरिकस्तरबाट  ‘भिजिट मधेस नेपाल’ अभियान दुई वर्षदेखि जारी रहेको जनाइएको छ । पत्रकार सम्मेलनमा वितरित विज्ञप्तिमा भनिएको छ, ‘तराई–मधेशका पर्यटकीय गन्तव्य, संस्कृति, खानपान, रहनसहन, वेषभूषा एवं विशेषतालाई विभिन्न किसिमको कार्यक्रम सञ्चालन गरी राष्ट्रिय र अन्तरराष्ट्रियस्तरमा प्रवद्र्धन एवं चिनाउँदै अगाडि बढिरहेको छ ।