लोकसंवाद संवाददाता | समाचार | फाल्गुन ७, २०७६
काठमाडौं । चीनको हुबेई प्रान्तबाट ल्याइएका नेपालीमा कोराना भाइरसको संक्रमण नभएको पाइएको छ ।
बुधबार स्वास्थ्य मन्त्रालयले सार्वनजिक गरेको रिपोर्टमा नोवेल कोरना भाइरस नेगेटिभ देखिएको हो । उनीहरुको नाक र घाँटी र नाकबाट स्याम्पल लिएर परीक्षण गरिएको थियो ।
चीनको हुबेई प्रान्तबाट गत आइतबार १७५ जना नेपालीलाई काठमाडौं ल्याइएको थियो ।
वुहानबाट उद्दार गरिएकाहरुलाई खरिपाटीस्थित क्वारेन्टाइनमा राखिएको छ । मन्त्रालयकाअनुसार क्वारेन्टाइनमा राखेको १४ दिनमा फेरि स्वास्थ्य जाँच गरिनेछ । स्वास्थ्य जाँचपछि फेरि नेगेटिभ देखिएमा उनीहरुलाई आफ्नो घरमा जान दिइने छ ।
पछिल्लो २ महिना देखि चीनमा महामारीको रुपमा देखिएको कोरोना भाइरसका कारण एकहजार भन्दा बढीको ज्यान गएको छ भने हजारौंलाई संक्रमण भएको अनुमान गरिएको छ ।