लोकसंवाद संवाददाता | लोकरञ्जन | फाल्गुन २१, २०७६
काठमाडाैं । आउँदो बैशाख २६ गते प्रदर्शन मिति घोषणा गरिएको चलचित्र ‘हिरो रिर्टन्स’को ट्रेलर सार्वजनिक भएको छ ।
अभिनेत्री रेखा थापा र अभिनेता सविन श्रेष्ठको मुख्य भूमिका रहेको उक्त चलचित्रको ट्रेलर राजधानीमा एक कार्यक्रमको आयोजना गरी सार्वजनिक गरिएको हो ।
ट्रेलरमा रेखा र सविनको बेजोड एक्सन देख्न सकिन्छ । निर्माणको लामो समय पछि रिलिजको तयारीमा जुटेको चलचित्रमा रेखा र सविनका साथमा दिल श्रेष्ठ, सुलेमान शङ्कर, सरोज खनाल लगायतको अभिनय रहेको छ । चलचित्रमा अभिनेता सरोज खनाल भिलेन अवतारमा देखिनुभएको छ ।
आशिष भेटवालले निर्देशन गरेको चलचित्रमा चन्द्र गौतम, सहदेव गौतम र भीम न्यौपानेको लगानी रहेको छ । यसै गरी चलचित्रका कार्यकारी निर्माता अमित श्रेष्ठ हुन् । मदन काश्यप घिमिरेको छायाङ्कन गरेको ‘हिरो रिर्टन्स’ लाई मित्र डी गुरुङले सम्पादन गर्नुभएको हो भने कथा, पटकथा तथा संवाद शिवम् अधिकारीले तयार पार्नुभएको हो ।