लोकसंवाद संवाददाता | समाज | फाल्गुन २२, २०७६
काठमाडौं । प्युठान,सरुमारानी गाउँपालिका–१ मिया टोल बस्ने खबिन मिया र सोही ठाउँ बस्ने मनसुर मियाको कच्ची घरमा बुधबार दिउँसो विद्युत सर्ट भई आगलागी हुँदा दुबै जनाको घर र गोठ जलेर करिब २३ लाख रुपैयाँ बराबरको धनमाल नष्ट भएको छ ।
झापा, कमल गाउँपालिका–५ मंगलबारे बजारमा रहेको शेर बहादुर लिम्बुको कच्ची घरमा ग्याँस सिलिन्डर पड्कन गई बुधबार साँझ आगलागी हुँदा करिब २० लाख रुपैयाँ बराबरको धनमाल जलेर नष्ट भएको छ ।
कैलाली, गौरीगंगा नगरपालिका–११ कान्ति टोल बस्ने भाने नेपालीको कच्ची घरमा बुधबार दिउँसो आगलागी हुँदा करिब ४ लाख रुपैयाँ बराबरको धनमाल नष्ट भएको छ ।
उदयपुर, रौतामाई गाउँपालिका–५ धोद्रे बस्ने सिताराम राईको घरमा बुधबार दिउँसो आगलागी हुँदा करिब २ लाख रुपैयाँ बराबरको धनमाल नष्ट भएको छ ।
स्थानीयबासी र दमकलको सहयोगमा आगो नियन्त्रणमा लिनुका साथैयस सम्बन्धमा प्रहरीले आवश्यक अनुसन्धान गरिरहेको छ ।