लोकसंवाद संवाददाता | अपराध | फाल्गुन ३०, २०७६
सप्तरी । कर्तव्य ज्यान मुद्दाका फरार प्रतिवादी सप्तरी डिमन बस्ने सुकदेव यादव र बिनोद कुमार यादवलाई बिहीबार बिहान प्रहरीले पक्राउ गरेको छ ।
२०६२ असोज १७ गते सोही ठाउँ बस्ने दिलिप कुमार यादवको गोली प्रहार गरी हत्या भएको घटनामा संलग्न रही फरार भएकामध्ये उनीहरुलाई जिल्ला प्रहरी कार्यालय सुनसरी र ईलाका प्रहरी कार्यालय कञ्चनपुरबाट खटिएको प्रहरीले सुनसरी ईनरुवा नगरपालिका९ स्थित लुकिछिपी बसिरहेको अवस्थामा फेला पारी पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।