लोकसंवाद संवाददाता | समाज | चैत्र ५, २०७६
काठमाडौं । भक्तपुर, मध्यपुर थिमी नगरपालिका–३ कैशलटारस्थित सडकमा बा.५८ प १६७७ नम्बरको मोटरसाइकल र प्रदेश नं.३–०२–००९ प ०३५९ नम्बरको स्कुटर एक आपसमा ठक्कर खाई मंगलबार दिउँसो दुर्घटना हुँदा मोटरसाइकल चालक काभ्रे पनौती नगरपालिका–१२ रोशी बस्ने २२ वर्षीय सरोज श्रेष्ठको मृत्यु भएको छ । दुर्घटनामा गम्भीर घाइते भएको उनको नागरिक अस्पताल गठ्ठाघरमा उपचारको क्रममा मृत्यु भएको हो । स्कुटर चालकलाई प्रहरीले नियन्त्रणमा लिएको छ ।
सर्लाही, कबिलासी नगरपालिका–६ जमुनियास्थित सडकमा बा.४ ख २०८३ नम्बरको टिपरले बीआर ५५ ९२५६ नम्बरको मोटरसाइकललाइ ठक्कर दिँदा मोटरसाइकल चालक कौडेना गाउँपालिका३ बस्ने २५ वर्षीय जयपाल रामको मृत्यु भएको छ । दुर्घटनामा गम्भीर घाइते भएका उनको ईन्डो अस्पताल वीरगंजमा उपचारको क्रममा मृत्यु भएको हो । टिपर चालकलाई प्रहरीले नियन्त्रणमा लिएको छ ।
यस सम्बन्धमा स्थानीय प्रहरीले आवश्यक अनुसन्धान गरिरहेको छ ।