शिवम् सिमेन्ट्सः  ३८० परिवारमा खाद्यान्न  र आइसाेलेशन  बेडकाे लागि आर्थिक सहयोग
चैत्र २३, २०७६

काठमाडाै । अन्तराष्ट्रिय जगतलाई नै आक्रान्त बनाईरहेको नोबेल कोरोना भाईरस (कोभिड १९) को महामारीको यस अवस्थामा शिवम् सिमेन्ट्स लिमिटेडले ग्रामीण क्षेत्रका विपन्न परिवारमा खाद्यान्न वितरण तथा त्तगबचबलतष्लभ को लागि १० वटाआइसाेलेशनका बनाउन आर्थिक सहयोग गरेको  जनाइएको छ ।

शिवम् सिमेन्ट लिमिटेडले आफ्नो सामाजिक उत्तरदायित्व वहन गर्दै मकवानपुर स्थित उद्योग परिसर वरीपरी रहेका हेटौंडा उप–महानगरपालिकाका वार्ड नं. ६, १६ र १७ मा सोही वडाका जनप्रतिनिधिहरुसँगको समन्वयमा ३८० घर परिवारलाई खाद्यान्न वितरण सम्पन्न गरेको हो । यसका साथै मकवानपुर गढी गाँउपालिकामा क्वारेन्टाइन  सहितको १० बेडको आइसाेलेशन बेड बनाउन समेत आर्थिक सहयोग उपलब्ध  शिवम् सिमेन्ट्सले जानकारी  गराएको छ । 

केही दिन देखी देशमा जारी लक डाउनका कारण सबै नेपालीको दैनिक जिवन नराम्ररी प्रभावित बनाएको छ । कोभिड १९ को संक्रमण फैलने क्रमलाई नियन्त्रण गर्न लक डाउन  मात्र एक उपाय भएकोले यो अझ लम्विन सक्ने सम्भावना देखिएको छ । यस लक डाउनबाट दैनिक ज्यालादारी गरी गुजारा गर्ने तल्लो तहका नागरिक र तिनका परिवार सबै भन्दा पिडित हुने र दैनिक हातमुख जोर्न नै कठिन हुने अवस्था सिर्जना भएकोले यस क्षेत्रका उक्त परिवारहरुको दैनिकी सहज होस् भनि खाद्यान्न वितरण गरिएको तथा आगामी दिनहरुमा समेत स्थानिय तहसंगको सहकार्यमा सहयोगको कार्यलाई निरन्तरता दिने उद्योग प्रमुख नवल किशोर चौधरीले बनाउनु भयो ।

साथै नोबेल कोरोना भाईरस (कोभिड १९) को यो महामारी यस अघी हामीले भोगेका संकट भन्दा भिन्न र विशेष किसिमको महासंकट हो र यसका विरुद्ध सरकारबाट भैरहेको पहलका वावजुद महामारीको  रोकथामका लागि तपाई हामी सबैको उतिक्कै योगदानको खाँचो  रहेको बताउँदै विश्व स्वास्थ्य संगठन तथा नेपाल सरकारले जारी गरेका निर्देशनहरुको पुर्ण पालना गरी आफु बाचौं र अरुलाई पनि बचांऔं भन्दै  शिवम् सिमेन्ट्सले समेत  आब्हान गरेको छ ।