लोकसंवाद संवाददाता | कारोबार | फाल्गुन २७, २०७५
काठमाडौं । आइतबार प्राविधिक समस्या आएपछि कारोवारमा समस्या भएको सेयर बजार आज भने दोहोरो अङ्कले बढेको छ ।
नेपाल स्टक एक्सचेञ्जका अनुसार कारोवार मापक नेप्से परिसूचक १४.२८ विन्दुले बढेर एक हजार १४२.९३ विन्दुमा पुगेको हो । यस्तै ठूला कम्पनीको सेयर कारोवार मापन गर्ने सेन्सेटिभ परिसूचक ३.१३ विन्दुले बढेर २४३.२६ विन्दुमा पुगेको छ ।
कूल १७१ कम्पनीको १३ लाख ४७ हजार ४८ कित्ता सेयर ४० करोड २८ लाख ४० हजार २१३ रूपैयाँमा खरिद–बिक्री भए ।
स्टकका अनुसार कारोवार भएका कूल ११ उपसमूहमध्ये अन्य उपसमूहको सेयर मात्रै ओरालो लागेको छ । सो उपसमूह १.६२ विन्दुले घटेको हो । यस्तै बैंकिङ १७.१८, व्यापार २.७, होटल १२.१४, विकास बैंक १०.१७, जलविद्युत् २७.९७, वित्त २.५७, निर्जीवन बीमा ७९.७२, उत्पादन ३.९६, लघुवित्त १४.२३ र जीवन बीमा ६.३६ विन्दुले बढेको छ ।
कारोवारका आधारमा नेपाल लाइफ इन्स्योरेन्स कम्पनीको दुई करोड ८९ लाख ८६ हजार ६६ रूपैयाँ, एनआइसी एसिया बैंक दुई करोड २१ लाख २१ हजार ४९२ रूपैयाँ, प्रभु बैंक लिमिटेड दुई करोड १७ लाख ५७ हजार ८२७ रूपैयाँ, नेपाल क्रेडिट एण्ड कमर्सियल बैंक एक करोड ८२ लाख ६७ हजार २३६ रूपैयाँ र माथिल्लो तामाकोशी जलविद्युत् कम्पनी एक करोड ७१ लाख ५९ हजार ९५५ रूपैयाँमा खरिद–बिक्री भई अग्रस्थानमा रहे ।
स्टकका अनुसार ङादी ग्रूपका शेयरधनीले ८.७७, कञ्चन डेभलपमेन्ट बैंक ७.८४, नेसनल हाइड्रो पावर कम्पनी ६.१५, निर्धन उत्थान लघुवित्त वित्तीय संस्था ५.९३, अपि पावर कम्पनीका सेयरधनीले ५.३६ प्रतिशतले कमाएका छन् । यस्तै सेन्ट्रल फाइनान्स कम्पनी ३.६६, सपोर्ट माइक्रोफाइनान्स कम्पनी ३.४३, हाथवे फाइनान्स कम्पनी ३.२, बरुण हाइड्रो पावर कम्पनीका शेयरधनीले ३.१२ प्रतिशतले गुमाएको खबर राससमा छ ।