लोकसंवाद संवाददाता | खेलकुद | फाल्गुन २९, २०७५
काठमाडौं । राष्ट्रिय खेलकूद परिषद् (राखेप)को आयोजनामा तेस्रो माध्यमिक विद्यालयस्तरीय डण्डीबियो प्रतियोगिता आजदेखि सुरु भएको छ ।
त्रिपुरेश्वरस्थित राखेप हातामा भइरहेका उक्त प्रतियोगितामा काठमाडौंँ, ललितपुर, भक्तपुर, काभ्रे र धादिङका गरी २० टोलीको सहभागिता रहेको राखेपअन्तर्गत खेलकूद प्रतियोगिता तथा योजना विभागका प्रमुख मिनकुमार शर्माले जानकारी दिनुभयो ।
नेपाल डण्डीबियो सङ्घको समन्वयमा हुने उक्त प्रतियोगिताको विजेताले २० हजार, उपविजेताले १५ हजार तथा तेस्रो हुनेले १० हजार रूपैयाँ नगद पुरस्कार प्राप्त गर्ने खबर राससमा छ ।