लोकसंवाद संवाददाता | समाचार | चैत्र २, २०७५
पाल्पा । नेपाली कांग्रेसका सभापति एवम् पूर्वप्रधानमन्त्री शेरबहादुर देउवाले नेत्रविक्रम चन्द (विप्लव) नेतृत्वको नेकपालाई हत्याहिंसा छोडेर वार्तामा आउन आग्रह गर्नुभएको छ ।
प्रेस युनियन पाल्पा शाखाले शनिबार आयोजना गरेको पत्रकार सम्मेलनमा बोल्दै सभापति देउवाले हत्याहिंसाको राजनीति गरेर कहिपनि पुग्न नसकिने बताउँदै वार्तामा आउन आग्रह गर्नुभएको हो । उहाँले विप्लवलाई सहमतिमा ल्याउन सरकारले वार्ता प्रयास थाल्नुपर्नेसमेत बताउनु भयो ।
सञ्चारकर्मीले नेपाललाई हिन्दु राष्ट्र घोषणा गर्नुपर्ने पक्षमा नेपाली कांग्रेस हो ? भनि जिज्ञासा राखेकोमा देउवाले संविधानमा भएको ब्यवस्थालाई कांग्रेसले मान्ने बताउनु भएको थियो ।
सभापति देउवाले सरकार प्रेस माथि अंकुश लगाउने कार्यमा उद्त रहेको आरोप लगाउँदै त्यो आफूहरुलाई सैह्य नहुने बताउनु भयो ।