लोकसंवाद संवाददाता | समाज | श्रावण ४, २०७७
बागलुङ । बागलुङ नगरपालिका–३ गुठीमा रेष्टुराँ सञ्चालन गरी बस्दै आउनुभएका ओखलढुङ्गाका ४४ वर्षीय रामचन्द्र भट्टराई तीन दिनदेखि बेपत्ता हुन भएको छ । बागलुङ जिल्ला सदरमुकामस्थित बागलुङ बजारको गुठीमा लामो समयदेखि गौरीशङ्कर रेष्टुराँ सञ्चालन गर्दै आउनुभएका सरल प्रकृतिका भट्टराई बजारदेखि नै बेपत्ता भएको उहाँकी छोरी सृष्टिले जानकारी दिनुभयो ।
भट्टराई हराएको भनी प्रहरीमा जानकारी गराइएको छ । खोजीका लागि सबैलाई सहयोग गर्न सृष्टिले आग्रह गर्नुभयो । रेष्टुँरा सञ्चालक भट्टराईलाई भेटेमा मोबाइल नं ९८६७६८४१७७ र ९८४५५३३६६२ मा सम्पर्क गरिदिन आग्रह गरिएको छ ।