लोकसंवाद संवाददाता | समाज | श्रावण ४, २०७७
रुपन्देही । सैनामैना नगरपालिका-१० फायरलाईनस्थित सडकमा रोकी राखेको लु.२ ख ४६८० नम्बरको ट्रकमा शनिबार राति अचानक आगलागी हुँदा ट्रकको अगाडिको भाग जलेर आंशिक क्षति भएको छ । ईलाका प्रहरी कार्यालय सालझण्डीबाट खटिएको प्रहरीले स्थानीय र दमकलको सहयोगमा आगो पूर्ण रुपमा नियन्त्रणमा लिएको छ ।
ट्रकका चालक र सहचालकको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ ।