लोकसंवाद संवाददाता | अपराध | श्रावण ९, २०७७
काठमाडौं । गोकर्णेश्वर नगरपालिका शिवचोक बस्ने केदार खनालको घरबाट बिहीबार साँझ कोही नभएको अवस्थामा नगद १० हजार रुपैयाँ र सुनका विभिन्न गहना समेत गरी करिब २ लाख रुपैयाँ बराबरको चोरी भएको छ ।
त्यसैगरी काठमाडौं महानगरपालिका-२९ डिल्लीबजार डेरा गरी बस्ने दोलखा सैलुंङ गाउँपालिका-८ घर भएका २७ वर्षीय भुबन खत्रीको कोठाबाट बिहीबार साँझ अपरिचित व्यक्तिहरूले ताला फोडी सुनका गहना र नगद ५० हजार रुपैयाँ समेत गरी करिब २ लाख ७० हजार रुपैयाँ बराबरको धनमाल चोरी गरेका छन् ।
चोरीमा संलग्न व्यक्तिहरुको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ ।