प्रशान्त उप्रेती | साहित्य | श्रावण १०, २०७७
कालो रङ्ग लाई सेतो रङ्ग भनी दिनुस् तपाइको के जान्छ ?
मूर्खको अगाडी शान्त बनिदिनुस् तपाइको के जान्छ ?
निरन्तर धोकाले पद अनि पदवीको श्रीपेच खानेलाई
उसलाई ठुलै समाजसेवी ठानी दिनुस् तपाइको के जान्छ ?
निरीह पिउशोले पनि चेसको मैदानमा राजा ढाल्न सक्छ
राजा बन्नेको अघि पिउशो बनिदिनुस् तपाइको के जान्छ ?
खरायो हुँ म सधैँ जित्छु भन्ने घमन्ड राख्दछ जसले
उसलाई विजेता नै थानिदिनुस तपाइको के जान्छ ?
बिना परिश्रम योगदानको पगरी लगाउन चाहनेलाई
त्यागी बनेर नैतिक थप्पड हानिदिनुस् तपाइको के जान्छ ?
मान्छेको बेतुकको घमन्ड तुहिन्छ कुर्नुस् एक दिन अवश्य
समयलाई सर्वशक्तिमान् मानिदिनुस् तपाइको के जान्छ ?
पेरिस फ्रान्स