लोकसंवाद संवाददाता | लोकरञ्जन | श्रावण ११, २०७७
काठमाडौँ । बाल गायकको रुपमा स्थापित अग्रज भट्टराईको स्वरमा प्राज्ञ,वरिष्ठ गीतकार तथा सङ्गीतकार शान्तिराम राईको रचना र सङ्गीत रहेको गीत ‘मेरी आमा’ बोलको गीत सार्वजनिक गरिएको छ ।
बाल गायक अग्रज भट्टराईको नाममा सञ्चालित आधिकारिक युट्युब च्यानल मार्फत सार्वजनिक गरिएको गीतमा आमाको बारेमा वर्णन गरिएको छ ।
उक्त गीतको शब्द र सङ्गीत शान्तिराम राईको रहेको छ भने र संयोजन आगा लामाले गर्नु भएको छ ।
‘मेरी आमा’ गीत बहुप्रतिभाशाली बाल गायक भट्टराईको स्वरमा रहेको यो तेस्रो गीत हो ।
यस अघिसमेत अग्रजको स्वरमा ‘सबै भन्छन्’ र ‘बादलमा बुट्टा’ बोलको गीत सार्वजनिक भएको थियो ।
अग्रज भट्टराईको स्वरमा रहेको गीत ‘मेरी आमा’ बोलको गीत यहाँ हेर्न सकिन्छ ।