लोकसंवाद संवाददाता | स्वास्थ्य | श्रावण १८, २०७७
काठमाडौं । पहिलोपटक टिचिङ अस्पतालमा प्लाज्मा थेरापीबाट कोरोना संक्रमितको उपचार गरिएको छ। विराटनगरका ६० वर्षीय कोरोना संक्रमित पुरूषको प्लाज्मा थेरापी विधिबाट उपचार गरिएको अस्पतालले जनाएको छ ।
पहिलोपटक यो विधिबाट नेपालमा उपचार भएको हो । अहिले संक्रमितको स्वास्थ्यमा निकै सुधार आएको पनि अस्पतालले जनएको छ ।
साउन १० गते अस्पताल भर्ना भएका संक्रमित पुरूषमा निमोनियाको समस्या थियो ।
गत बिहीबार भने निको भएका व्यक्तिको प्लाज्मा ती संक्रमित पुरूषमा राखेपछि उल्लेख्य सुधार आएको छ ।
प्लाज्मा थेरापी कोरोनाका गम्भीर प्रकृतिका संक्रमितको उपचारमा प्रयोग गर्न प्रभावकारी मानिन्छ ।
प्लाज्मा थेरापी विधिबाट उपचार गर्न नेपाल स्वास्थ्य अनुसन्धान परिषद्ले अनुसन्धान गरिरहेको छ ।
परिषद्ले निको भएका संक्रमितहरूलाई इच्छा अनुसार प्लाज्मा दान गर्न पनि आग्रह गरेको छ ।