लोकसंवाद संवाददाता | कारोबार | श्रावण २६, २०७७
काठमाडौं । नेपाली बजारमा सोमबार (साउन २६ गते) सुनको मूल्य घटेको छ । सुनको मूल्य तोलामा २ सय रुपैयाँ घटेर आज प्रतितोला एक लाख दुई हजार ४ सय रुपैयाँ कायम भएको नेपाल सुनचाँदी व्यवसायी महासङ्घले जनाएको छ ।
हिजो आइतबार ९ सय रुपैयाँले घटेर सुन तोलाको एक लाख दुई हजार ६ सय रुपैयाँ कायम भएको थियो । केही दिनयता लगातार बढेको सुनको मूल्य हिजो र आज भने केही घटेको छ ।