लोकसंवाद संवाददाता | समाज | भदौ ११, २०७७
काठमाडौं । नेपालको कापिलबस्तु घर भएका सागर नामले चिनिने ढकानन्द पल्ली मगरले कन्चनपुरको बेलौरी घर भएकी धर्मपत्नी गिता सिंह र एक छोरीलाइ भारतको फरिदावादमा छोडी अचानक फरार भएका छन् ।
श्रीमती गिताका अनुसार एक हप्ता पहिले उहाँको श्रीमान सागर पल्ली मगर अचानक आफुसंग कुनै खबर सल्लाह नगरी आफ्नो नेपाल र भारतका प्रमाणपत्र घरमा भएको नगद, बैंकमा भएको पैसा, र अन्य चिनेजानेका साथीहरूसंग समेत उधारो मागेर कम्तीमा ५८ हजार भारतीय रुपैया संकलन गरी फरार हुनुभएको हो ।
श्रीमान अचानक फरार भएपछि उहाँको र ४ वर्षे छोरीको जीवन भारतको सडकमा बेसहारा भएर बितेको छ । उहाँ स्वयं पनि ४ वर्षको उमेरमा अनाथ भएपछि उहाँको पालन पोषण भारत फरिदावाद निवासी उहाँको सानी आमा र सानो बुबाले गर्नुभएको थियो । फरिदावादमै फास्टफुडको काम गर्दै आएका सागरसँग उहाँको सन् २०१४ मा उहाँले प्रेम विवाह गर्नुभएको हो ।
आफ्ना फरार श्रीमानलाइ कोही कसैले कतै देखेमा निम्न नम्बरमा सम्पर्क गरी सहयोग गरिदिनुहुन उहाँको आग्रह रहेको छ ।
गिता सिंह पल्ली मगर
सेक्टर ३ फरिदावद
फोन नं । ००९१७०४८९६३६३४ सानी आमा ९१८५९५९९९२७५