लोकसंवाद संवाददाता | खेलकुद | भदौ १५, २०७७
फ्रेन्च क्लब लियोनले लगातार पाँचौं पटक महिला च्याम्पियनसिप फुटबलको उपाधि हात पारेको छ ।
स्पेनको सन सेबास्टियनमा गएराति भएको फाइनलमा जर्मन क्लब वुल्फ्सबर्गलाई ३–१ ले पराजित गर्दै लियोनले उपाधि जितेको हो ।
लियोनका लागि पहिलो हाफमा युजिन ली सोमर र साकी कुमागाई तथा दोस्रो हाफमा सारा ब्जोर्कले गोल गरेका थिए । एलेक्सान्ड्रा पोप्पले वुल्फ्सबर्गका लागि एक गोल फर्काइन् ।
सन् २०१० यता युरोपमा महिला फुटबलको ठूलो प्रतिस्पर्धामा ९ औं पटक फाइनलमा पुगेको लियोनले समग्रमा सातौ उपाधि जितेको हो ।