लोकसंवाद संवाददाता | खेलकुद | भदौ १७, २०७७
तेस्रो टी–२० क्रिकेटमा पाकिस्तानले इंग्ल्याण्डमाथि ५ रनको रोमाञ्चक जीत हात पारेको छ । योसँगै तीन टी–२० को शृङ्खलामा पाकिस्तानले १–१ को बराबरी गरेको छ ।
१९१ रनको लक्ष्य पछ्याएको इंग्ल्याण्डलाई अन्तिम दुई बलमा जितका लागि १२ रन आवश्यक थियो । पहिलो बलमा टम कुरानले छक्का प्रहार गरे ।
अन्तिम बलमा इंग्ल्याण्डलाई जितका लागि पुनः छक्का नै चाहिएको थियो । तर ह्यारिस राउफले छक्का प्रहार गर्न नसकेपछि पाकिस्तान बिजयी भएको हो ।
इंग्ल्याण्डले ८ विकेटको क्षतिमा १८५ रन बनाएपछि पाकिस्तान ५ रनले विजयी भएको हो । म्यान्चेस्टरमा टस हारेर ब्याटिङको निम्तो पाएको पाकिस्तानले ४ विकेटको नोक्सानीमा १९० रन बनाएको थियो ।
उसका लागि मोहम्मद हाफीजले ८६ तथा हैदर अलिले ५४ रनको योगदान दिएका थिए ।