न्युज कारखाना | समाचार | भदौ १३, २०७८
नेकपा एमाले विभाजित भई हालै गठन भएको नेकपा (एकीकृत समाजवादी)ले संसदीय दलको नेता चयन गरेको छ । सो पार्टीको आज बसेको संसदीय दलको बैठकले पार्टी अध्यक्ष माधवकुमार नेपाललाई सर्वसम्मत रूपमा संसदीय दलको नेता चयन गरेको हो ।
बानेश्वरस्थित अन्तर्राष्ट्रिय सम्मेलन केन्द्र (संघीय संसद भवन)को ह्लोत्से हलमा बसेको आज अपराह्न बसेको बैठकले अध्यक्ष नेपाललाई सर्वसम्मत चयन गरेको हो ।
कांग्रेस नेतृत्वको गठबन्धन सरकारमा सहभागी हुने तयारी गरिरहेको नेकपा (एस)सँग संघीय संसदमा ३० जना सांसद छन् । नेपाल नेतृत्वको नेकपा (एस)ले गत ९ भदौमा दलको मान्यता प्राप्त गरेको थियो ।