न्युज कारखाना | खेलकुद | भदौ २२, २०७८
पपुवा न्युगिनी (पीएनजी)विरुद्ध नेपालले तेस्रो विकेट लिएको छ ।
ओमानको अल अमिरात क्रिकेट मैदानमा जारी खेलमा नेपालका सन्दीप लामिछानेले तेस्रो विकेट लिएका हुन् । सन्दीपले २३ बलमा २३ रन बनाएका कार्लेस अमिनीलाई विकेट किपर आसिफ शेखको हातबाट आउट गराएका हुन् ।
यसअघि डेब्यु गरिरहेका तीव्र गतिका बलर बिक्रम सोबले लगातार २ विकेट लिए । पहिलो बलमै विक्रमले पीएनजीका ओपर ब्याटस्म्यान टोनी पाला उरालाई बोल्ड गराए । दोस्रो विकेट चौथो ओभरको अन्तिम बलमा लिए । दोस्रो विकेट लिने क्रममा विक्रमले पीएजनीका कप्तान असाद भालालाई आरिफ शेखको हातबाट क्याच आउट गराए ।
यसअघि टस जितेर पीएनजीले ब्याटिङ रोजेको थियो । १२ ओभरको समाप्तिमा पीएनजीले ३ विकेट गुमाएर ५९ रन बनाएको छ ।