एजेन्सी | खेलकुद | कार्तिक २१, २०७८
इङ्लिस प्रिमियर लिगको ११औँ चरणको खेलमा शीर्ष स्थानको चेल्सी रेलिगेसन जोनमा रहेको बर्नलीसँग बराबरीमा रोकिएको छ ।
शनिबार राति भएको खेलमा चेल्सी बर्नलीसँग १-१ गोलको बराबरी खेल्दै अंक बाँड्न बाध्य भएको हो ।
स्ट्राम्फोर्डमा काइ हभार्ट्जले ३३औँ मिनेटमा चेल्सीलाई अग्रता दिलाए । बर्नलीका माटिज भ्यड्राले खेल सकिन ११ मिनेट बाँकी रहँदा गोल गर्दै टोलीको हार संकट टारे ।
बराबरीको नतिजापछि चेल्सी ११ खेलबाट २६ अंकसहित शीर्ष स्थानमा छ । बर्नली ११ खेलबाट ८ अंकसहित १८ स्थानमा छ ।
दोस्रो स्थानको म्यानचेस्टर सिटीसँग २३ अंक छ । म्यानचेस्टर डर्बीमा सिटीले युनाइटेडलाई २-० गोल अन्तरले पराजित गरेकाे छ ।
नर्विच सिटीले ब्रेन्टफोर्डलाई २-१ गोल अन्तर, क्रिस्टल प्यालेसले उल्भ्सलाई २-० गोल अन्तरले पराजित गर्दा न्युक्यासल युनाइटेड र ब्राइटनले १-१ को बराबरी खेले ।