एजेन्सी | खेलकुद | माघ १६, २०७८
५ टी-२० शृंखलाअन्तर्गत भ्रमणकारी टोली इंग्ल्याण्डले चौथो खेलमा आइतबार घरेलु टोली वेस्ट इन्डिजलाई ३४ रनले पराजित गर्दै खेल २-२ को बराबरीमा ल्याएको छ ।
१९४ रनको विजयी लक्ष्य पछ्याएको वेस्ट इन्डिजले निर्धारित २० ओभरमा ५ विकेट गुमाउँदै १५९ रनमा समेटियो ।
वेस्ट इन्डिजका ओपनर काइल मायर्सले ४० रन जोड्दा जसन होल्डरले ३६, ब्रान्डन किङले २६ र निकोलस पुरनले २२ रनको योगदान दिए ।
इंग्ल्यान्डका मोइन अलीले २ तथा रेस टपले, आदिल रासिद, लियाम लिभिङस्टोनले १-१ विकेट लिए ।
यसअघि टस हारेर ब्याटिङका लागि आएको भ्रमणकारी टोली इंग्ल्याण्डले निर्धारित २० ओभरमा ६ विकेट गुमाउँदै १९३ रनको मध्यम योगफल तयार पारेको थियो ।
इंग्ल्याण्डका लागि मोइन अलीले सर्वाधिक ६३ रन जोड्दा ओपनर जसन रोय ५२ रनको योगदान दिए ।