एजेन्सी | लोकरञ्जन | फाल्गुन १, २०७८
भारतीय निर्मात्री एकता कपुरको सुपर नेचुरल शो ‘नागिन ६’ शनिबार राति टेलिभिजनबाट प्रसारण भयो । यो शोमा यस पटक तेजस्वी प्रकाश नयाँ नागिन अवतारमा दर्शकमाझ आइन् । यस पटक ‘नागिन’मा महक चलह र उर्वशी ढोलकियालाई पनि नागिन अवतारमा देखिँदै छ ।
एकताले कलाकार खोज्नका लागि निकै पैसा खर्च गरेकी छन् । त्यसो त यसअघि पनि धेरै अभिनेत्रीहरूले नागिन बन्नका लागि उनीहरूले मागेजति नै रकम पाएका थिए । यो सूचीमा करिश्मा तन्ना, मौनी राय, सुरभी ज्योती, अनीता हसनंदानी, हिना खान, निया शर्मा, शायन्तनी घोष र सुरभी चान्दनाको नाम छन् ।
एकताले पहिलो नागिन मौनी रायलाई बनाएकी थिइन् । मौनीले ‘नागिन’को २ सिजनमा काम गरिसकेकी छन् । उनले ‘नागिन’मा काम गर्नका लागि २ लाख भारतीय रुपैयाँ पारिश्रमिक लिएकी थिइन् ।
‘नागिन ३’ मा सुरभी ज्योतीले नागिन बनेर हंगामा मच्चाएकी थिइन् । फ्यानहरूले सुरभीको नागिन लुक्सलाई आज पनि बिर्सेका छैनन् । उनले यो शोमा ६० हजार भारु पारिश्रमिक लिएकी थिइन् ।
करिश्मा तन्नाले पनि ‘नागिन ३’ मा इच्छाधारी नागिन बनेर धमाल मच्चाएकी थिइन् । उनले प्रतिभाग ५० हजार भारु पारिश्रमिक लिएकी थिइन् । तर, उनको भूमिका निकै छोटो थियो ।
यो सूचीमा अनिता हंसनदानीको नाम छुट्दैन । अनीताले शोमा विशाखाको भूमिका निभाएकी थिइन् । उनी ‘नागिन’को सिजन ३ र ४ मा देखिइसकेकी छन् । उनले नागिन बन्नका लागि आफ्नी साथी एकता कपुरबाट प्रतिएपिसोड ५० हजार भारतीय रुपैयाँ लिएकी थिइन् ।
‘नागिन ४’ मा शायन्तनी घोषले पनि नागिन बन्ने अवसर पाइन् । उनले नागिन बन्नका लागि २० हजार भारु मात्र पारिश्रमिक लिएकी थिइन् ।
अभिनेत्री हिना खानले ‘नागिन ५’ का ३ एपिसोडमा मात्र काम गरिन् । उनले एकता कपुरबाट मागेजति पारिश्रमिक पाएकी थिइन् । उनले डेढ लाखदेखि ३ लाख भारतीय रुपैयाँसम्म पारिश्रमिक लिएकी थिइन् ।
‘नागिन ४’ मा देखिएकी निया शर्माले यो शोमा काम गर्दा प्रतिएपिसोड ४० हजार भारु पारिश्रमिक लिएकी थिइन् । पारिश्रमिकको मामलामा सुरभी चाँदनी पनि कोहीभन्दा कम छैनन् । उनले ‘नागिन ५’ मा काम गर्नका लागि १ लाख २० हजार भारु लिएकी थिइन् ।
‘नागिन ६’ मा तेजस्वी प्रकाशलाई नागिन बनाउनका लागि एकता कपुरले पानी बगाएसरि पैसा बगाएकी छन् । यद्यपि, उनले कति पारिश्रमिक लिइन् भन्ने कुरा खुलेको छैन । ‘नागिन ६’ का लागि एकता कपुरले १३० करोड भारतीय रुपैयाँ लगानी गरेकी छन् ।