‘बच्चन पाण्डे’ प्रचारमा चालक बने अक्षय कुमार

‘बच्चन पाण्डे’ प्रचारमा चालक बने अक्षय कुमार

एजेन्सी  |  लोकरञ्जन  |  फाल्गुन २९, २०७८

बलिउड अभिनेता अक्षय कुमार आफ्नो बहुप्रतीक्षित एक्सन कमेडी फिल्म ‘बच्चन पाण्डे’को फरक किसिमले प्रचार गरिरहेका छन् । अक्षय ‘बच्चन पाण्डेकी सवारी’ लेखिएको एक ट्रक चलाउँदै मुम्बईबाट नयाँ दिल्ली पुग्दै छन् ।

यो फिल्ममा अक्षयका अलावा कृति सेनन, ज्याकुलिन फर्नान्डिज र अरशद वारसीको पनि प्रमुख भूमिकामा अभिनय छ । फिल्ममा पनि अक्षय ट्रक चालकको भूमिकामा छन् । फिल्ममा अक्षयको चरित्र आकर्षणको चरित्र भएकाले पनि निर्माताले प्रचारको नयाँ शैली अपनाएका हुन् ।

निर्माताहरूले ‘बच्चन पाण्डेकी सवारी’ शनिबारदेखि सुरु गरेका छन् । यो सवारी १५ मार्चसम्म अलगअलग स्थानमा चल्नेछ । फिल्मका निर्देशक फरहाद सामजी हुन् ।