एजेन्सी | विदेश | चैत्र १६, २०७८
युक्रेनका राष्ट्रपति भोलोदिमिर जेलेन्स्कीले बिहीबार अस्ट्रेलियाको संसद्लाई सम्बोधन गर्ने भएका छन् । राष्ट्रपति जेलेन्स्कीले भिडियोमार्फत संसद्लाई सम्बोधन गर्ने अस्ट्रेलियाका रोजगारमन्त्री स्टर्ट रोबर्टले जानकारी दिएका छन् ।
मन्त्री रोबर्टले रुसी हमलाको युक्रेनले साहसपूर्वक प्रतिकार गरेको बताएका छन् । ‘युक्रेनले रसियाको अप्रत्याशित युद्धको सामना गर्दै उल्लेखनीय साहस र लचिलोपन देखाएको छ’, उनले भने ।
अस्ट्रेलियाले युक्रेनलाई ६५ लाख डलर बराबरको आपत्कालीन मानवीय सहायता प्रदान गरेको छ । युक्रेनलाई सैन्य सहायता तत्काल आवश्यक रहेको भन्दै अस्ट्रेलियाले ९१ लाख डलर बराबरको रक्षा उपकरण दिनेसमेत अस्ट्रेलियाले बाचा गरेको छ ।
जेलेन्स्कीले संयुक्त राष्ट्रसंघ, अमेरिकी कंग्रेसदेखि जापानको संसद्लाई सम्बोधन गर्दै आएका छन् ।