एजेन्सी | खेलकुद | बैशाख ०२, २०८०
ओपनर ह्यारी ब्रुकले शतक प्रहार गरेपछि सनराइजर्स हैदरावादले कोलाकाता नाइट राइडर्सलाई पराजित गरेको छ ।
इन्डियन प्रिमियर लिग (आईपीएल)अन्तर्गत गए राति भएको खेलमा हैदरावादले कोलकातालाई २३ रनले पराजित गरेको हो ।
जितका लागि २२९ रन लक्ष्य पाएको कोलकाताले २० ओभरमा ७ विकेट गुमाउँदै २०५ रन मात्र बनाउन सक्यो ।
कोलकाताका लागि कप्तान नितिश रानाले सर्वाधिक ७५ रन बनाए । उनले ४१ बलमा ५ चौका र ६ छक्का प्रहार गरे । नारायण जगदीशनले २१ बलमा ५ चौका र १ छक्का प्रहार गर्दै ३६ रनको योगदान गरे ।
अघिल्लो खेलको अन्तिम ओभरमा लगातार ५ छक्का प्रहार गरेका रिंकु सिंहले हैदरावादविरुद्ध अर्धशतकीय पारी खेल्दै नटआउट रहे । उनले ३१ बलमा ४ चौका र ४ छक्का प्रहार गर्दै ५८ रनको योगदान गरे ।
बलिङमा हैदरावादका म्याक्रो जनसेन र मयन्क मारकण्डेले २/२ विकेट लिए भने भुवनेश्वर कुमार, नटराजन र उम्रन मलिकले १/१ विकेट लिए ।
कोलकाताको घरेलु मैदान इडेन गार्डेनमा टस हारेर पहिले ब्याटिङ गरेको हैदरावादले २० ओभरमा ४ विकेट गुमाउँदै २२८ रनको फराकिलो योगफल तयार पारेको थियो ।
हैदरावादका लागि ह्यारी ब्रुकले शतक प्रहार गरे । यो जारी सिजनको पहिलो शतक हो ।
ओपनर ह्यारीले ५५ बलमा १२ चौका र ३ छक्का प्रहार गर्दै नटआउट १०० रन बनाए ।
त्यस्तै, कप्तान एडेन मार्क्रमले अर्धशतक बनाउन २६ बलमा २ चौका र ५ छक्का प्रहार गरे ।
अभिशेक शर्माले १७ बलमा ३ चौका र २ छक्का प्रहार गर्दै ३२ रनको योगदान गरे भने हेनरिच क्लासेन ६ बलमा २ चौका र १ छक्काबाट १६ रन बनाउँदै अविजित रहे ।
बलिङतर्फ कोलकाताका आन्द्रे रसेलले ३ विकेट लिँदा बरुण चक्रवर्तीले १ विकेट लिए ।
जितसँगै हैदरावाद अंक तालिकाको सातौँ स्थानमा छ । हारेको कोलकाता चौथो स्थानमा छ ।