एजेन्सी | खेलकुद | बैशाख ९, २०८०
किलिएन एमबाप्पेले २ गोल गरेपछि पेरिस सेन्ट जर्मेन (पीएसजी)ले फ्रेन्च लिग वानमा एन्गर्सलाई २-१ ले पराजित गरेको छ ।
शुक्रबार रातिको यस जितपछि लिग लिडर पीएसजीले उपाधि होडलाई बलियो बनाउँदै लगेको छ । एन्गर्सको मैदानमा एमबाप्पेले खेलको नवौँ र २६औँ मिनेटमा गोल गरेका थिए । सबै खाले प्रतियोगितामा गरी एमबाप्पेले यस सिजन ३४ गोल गरिसकेका छन् ।
एन्गर्सका लागि सादा थिउबले ८७औँ मिनेटमा सान्त्वना गोल फर्काए ।
जितपछि पीएसजीले ३२ खेलबाट ७५ अंक जोडेको छ र दोस्रो स्थानको मार्सेमाथि ११ अंक अग्रता बनाएको छ । मरासले १ खेल कम खेलेको छ ।
३२ खेलबाट १४ अंक मात्र रहेको एन्गर्स अंक तालिकामा पुछारमा छ ।