ऋतु आशिक | साहित्य | बैशाख २३, २०८०
मेरो छिमेकीलाई
मेरो देश आत्मनिर्भर भएको मन पर्दैन ।
राजा महेन्द्र हुँदै को अगुवाईमा
देशभित्र खोलिएको दुईसय बाह्र भन्दा बढी कलकारखाना
यसबेला सम्म आइपुग्दा
ती सबै मृत भएका छन् ।
देशलाई जीवन दान दिने कलकारखानाहरू
भारतीय बलात्कारी वर्चश्व मा परिणत गरिएको छ ।
छिमेकी कहिले नेपाली काँग्रेसको बुई चढ्छ
कहिले एमालेको
कहिले राप्रपाको
अब त सबैलाई मिलाएर बुई चढ्न थालेको छ ।
मेरो देशमाथि
घात–प्रतिघातको चाङ थपिरहेको छ ।
धुन्धुकारि प्रचण्डलाई पालेर पोसेर
हजारौँ नेपालीको हत्या गराएर
माओवादीको पहिरन पहिराएर
छिमेकीको धौँसमा
अल्पमतले बहुमत माथि शासन थोपरेको छ ।
मेरो छिमेकीलाई
बुद्ध नेपालमा जन्मेको मन पर्दैन ।
नव नियुक्त सभामुखले भनेका छन्
बुद्ध भारत नै जन्मेका छन्
यस्तै – यस्तै भन्न भ्याएका छन् ।
देशप्रति घात प्रतिघात गर्नेहरू
देश दोहन गरेर
आफ्नो जीवन फेर्नेहरू
नेपालका गुमस्ता ब्राण्डका नेताहरूमा
छ्याप् छ्याप्दी पाइएको छ ।
१६ वैशाख २०८०
तरहरा इटहरी