ऋतु आशिक | साहित्य | आश्विन २३, २०८०
देशभक्त नेपालीहरू हो !
देशभक्तिकै गाथा गाउँछु
आज मन पोलेको छ ।
तीतो सत्य ओकल्छु ।
तिमीलाई थाहा हुन सक्छ ।
तिमीलाई थाहा नहुन सक्छ ।
मन भक्कानिएर आएको छ ।
भित्रभित्रै हिक्का आइरहेको छ ।
धैर्यका साथ सुन !
यसबेला वालुवाटार लैनचौरमा सरेको छ ।
वालुवाटार शमसानघाटमा फेरिएको छ ।
मुलुकको शासन प्रणाली धुजा–धुजा भएको छ ।
नागरिकता प्रकरण
भारतीहरूलाई धमाधम नेपाली बनाइँदैछ ।
न्याय नै यसबेला लैनचोर सरेको छ ।
नेपाली काँग्रेस,
नेकपा एमाले,
नेकपा माओवादी ।
विभिन्न ब्राण्डका
दक्षिणी परिचालित पार्टीहरू
यसबेला ती सबै
लैनचौरका गुलाममा परिवर्तित भएका छन् ।
देशभरि युद्धस्तरमा
भारतीहरूलाई नागरिकता बाँडिँदा
माइलौ–माइल लाएर बाँडिँदा पनि
कुनै पनि संसदको मन दुख्दैन
सदनमा कुनै पार्टीका संसद चुइक्क बोल्दैनन्
मैले त भन्ने गरेको छु
नेपालका सबै पार्टीहरू
लैनचौरका रिक्रुट हुन् ।
उनीहरू मगन्ते ओढेर,
घुर्की, स्यावासी पारितोषिक थाप्ने गर्छन् ।
घन्टी पार्टी !
भारतीयलाई नागरिकता बाँडिँदा
एम.सी.सी.को जात्रा माथि जात्रा छरिँदा
चुइक्क – बोल्दै बोल्दैन ।
मोदीका आफन्तसँग सौदाबाजी साटछ ।
देशप्रति घात–प्रतिघातमा मौनता साँधेर
देशभक्तको स्वाग गर्छ
कसै कसैको जमानी बस्छ
स्याल होइन भनेर छाती ठोक्छ
देशद्रोहीलाई देशद्रोही होइन भनेर
वकालत गर्छ ।
देश यसबेला –
संसारमा कतै नभएको शासन प्रणाली
नेपालमै देखिएको छ ।
माओवादी वैरियतमा तेस्रो पार्टी
देशको शासन चलाइ रहेको छ,
न त लाज छ, न त घिन छ ?
न त पार्टीको आफ्नै नैतिकता छ
दासहरूको आत्मा हुँदैन
दासहरूको इमान हुँदैन ।
माओवादी कलेवर ओढेका ढोगी पार्टी
अन्तर्राष्ट्रिय घृणा छर्न
माओवादको बिरुद्धमा दुष्परिणाम छर्दै
आफैँ स्खलन भइरहेको छ ।
माओवादको भाङ्ग्रो ओढेर
माओवाद माथि घृणित आक्षेप लगाइरहेको छ ।
आफ्नो विष्टा आफैँ खाइरहेको छ ।
मलाई यसबेला लाग्छ
देशभक्त नेपाली अझै नचेत्ने हो भने –
लेण्डुपेले सिक्किम बुझाए झैँ
प्रचण्डले देश बुझाउने हरकत गरिरहेको छ ।
मेरो देशको प्रधानमन्त्रीको
आवरण ओढेर
लैनचौरको खटन–पटनमा तथ्य गरिरहेको छ ।
देशभक्त जनता हो !
उठ अब ढिलाइ गर्नु हुँदैन ।
एमाले, काँग्रेस, माओवादी, राप्रपा
जो–जो जे–जे ब्राण्ड भए पनि
यी सबै लैनचौरका
ब्राण्डेड पार्टीहरू हुन् ।
देश यसबेला बालुवाटार हुँदै ।
लैनचौरमा सरेको छ ।
देशलाई यसबेला लैनचौरले हाँकी रहेछ ।
अरबौं राजस्वको थमौती
प्रचण्डको हुक्के शासनले गर्ने गरेको छ ।
देशभरिका १६ मारवाडी जत्थाले
देश माथि आर्थिक घात प्रतिघात गरिरहेको छ ।
देश यसबेला –
देशभक्त नायक खोजी रहेको छ ।
देश बचाउन
आफ्ना–आफ्ना ठाउँबाट उठौँ
देश द्रोहीहरूको विरुद्ध हातेमालो गर्दै उठौँ ।
आपगाछी, तरहरा, इटहरी
२०८० असोज २० शनिबार
–