ऋतु आशिक | साहित्य | कार्तिक १४, २०८०
भारतीय प्रधानमन्त्री नरेन्द्र मोदी !
तिम्रो देशको स्वतन्त्रता संग्राममा
हामीले आफन्तहरु गुमाएका छौं
तिम्रो देशको स्वतन्त्रताका लागि
काँधमा काँध मिलाएर
तिम्रो देशको स्वतन्त्रता फर्काएका थियौं ।
हामीले आफन्तहरु गुमाउँदा
हामीले आँसु भक्कानिँदै पनि रोएका थिएनौं ।
भित्र–भित्र हामी तड्पिएका थियौ ।
तिम्रो स्वतन्त्रता
भारतीय जनताको स्वतन्त्रतामा
हामीले आफन्त गुमाएका थियौ ।
भारतीय झण्डालाई
फिरङ्गीका सामु झुक्न दिएनौँ
तिम्रो मुलुकको स्वतन्त्रताका निम्ति –
कारगील युद्ध होस्
हिन्दुस्तान आजादीको अजेयताको
शङ्ख घोषको त्यो क्षणमा
भारतीय देशभक्त
जनताको पक्ष पोषणमा हामी उभिएका थियौ ।
भारत पाकिस्तानी युद्धमा
भारतीय चीन युद्धको
ती ऐतिहासिक क्रमममा
हामी भारतीयको पक्षमा गीत गाएका थियौं ।
हाम्रा आफन्तहरु
गोली र बारुद खाँदै मृत्युवरण गरेका थियौं ।
तिम्रो देश बचाउन
हाम्रा आफन्तहरु साहादतको शूलीमा
चढाएका थियौं ।
हामी नेपाली !
बुद्धत्वको अभिषेक संसारभरि छर्केका छौं ।
हामीले बुद्धत्व चीन पठाएका थियौं ।
हामीले बुद्धत्व लंका, लाओस, कम्वोडिया
जता–ततै
शान्तिका ऋचाहरू छर्केका छौं ।
तिम्रो देशको सुरक्षामा
तिम्रो सिमाना–सिमानामा
ढाल भएर उभिएका छौं ।
यो निरन्तरता चलिरहेको छ ।
अझै यो निरन्तरता चलिरहेको छ ।
भारतीय प्रधानमन्त्री !
हामी तिम्रो देशको हितमा
हाम्रा आफन्तहरु बोर्डर–बोर्डरमा
सहादत हुँदै तिम्रो देश बचाउँदै थियौं ।
तिमी प्रचण्डरुपी देशद्रोही पालेर
मेरो देशको बिरुद्ध उसलाई तयारी गर्दै थियौं ।
माओवादी कलेवरमा
मेरो देशमाथि घात–प्रतिघात गरिरहेका थियौं
तिम्रो र अमेरिकी संलग्नतामा
शान्ति क्षेत्रका प्रवर्तक
राजा वीरेन्द्र वंशको हरणको जाल बुन्दै थियौं ।
सेनाका जर्नेलहरूलाई
मेरो देश विरुद्ध
शान्ति क्षेत्रका प्रवर्तक विरुद्ध
कालरात्रि ओढाएर
वंश विनास गरेका थियौ ।
तिम्रो षडयन्त्रको चाका चुलीमा
हामीले शान्ति क्षेत्रका दोस्रो बुद्ध गुमाएका थियौं ।
हामीले प्रजावत्सल राजा गुमाएका थियौं ।
प्रधानमन्त्री नरेन्द्र मोदी !
मेरो देशका अभिन्न अङ्ग
लिम्पियाधुरा, लिपुलेक, कालापानी माथि
अपहरण गरिरहेका छौं ।
चोर विरालो झैं पसेर
छिमेकीको सदासयता
छिमेकीको मित्रताको ऐश्वर्यता माथि
घात प्रतिघात गरिरहेका छौं ।
हाम्रा आफन्तहरु तिम्रो सुरक्षामा
मृत्युवरण गरिरहेका छन् ।
तिमी घात–माथि घात गरिरहेका छौं ।
मेरो देशको लुटानमा
नेपाली लेण्डुपेहरुलाई साथ लिएर
मेरो देशमाथि
घात प्रतिघात गरिरहेका छौं ।
भारतीय प्रधानमन्त्री !
तिम्रो यो घृणित कुत्सित कार्य,
मनैदेखि घृणा गर्छु
मेरो देशको सार्वभौमिकता
प्राणभन्दा प्यारो छ ।
छिमेकीप्रति घृणित व्यवहार बन्द गर !
देश लुटानको युग पुनरावृत नगरः
मेरो देशको स्वतन्त्रता
मेरो अहमता मेरो देश हो ।
तिम्रो घृणित हस्तक्षेप बन्द गर
लिम्पियाधुरा, लिपुलेक, कालापानी
हाम्रो मुटु हो ।
होश सम्हाल
हाम्रो नेपालीको अहमता हो ।
हामी नेपालीको गौरव गाथा भूमि हो ।
आपगाछी, तरहरा, इटहरी
२०८० कार्तिक ५