ऋतु आशिक | साहित्य | फाल्गुन ५, २०८०
चुनाव त एउटा नाट्य प्रदर्शन हो
नेपाली काँग्रेस पहिलो पार्टी
नेकपा एमाले दोस्रो पार्टी
नेकपा माओवादी तेस्रो पार्टी
संसारमा कतै नभएको प्रजातन्त्र
छिमेकीको स्वार्थीयतामा
गठवन्धनको वाली लगाईएको छ ।
माओवादी कलेवरमा
छिमेकीले रिमोट चलाउँदो छ ।
एमाले काँग्रेसलाई
कट्टु मै सु–सु गराएर
गठवन्धनको ललीपप चुसाइ रहेको छ ।
गठवन्धनको ललीपपमा
महाकाली माथि घात प्रतिघातको वरालो
झन्–झन् खस्किदै छ ।
देशभक्त राजाद्वारा प्रदत्त कलकारखाना
चीनको सौजन्य उपहारहरू
कवाडीमा रुपान्तरण गराइएको छ ।
प्रचण्ड सरकार यसबेला
लाखौँको तादातमा मुङलान भसाएर
एमाले, काँग्रेस, माओवादी भाइ पार्टीहरू
भूतो न भविष्यको पसल थापेर
जग हसाइ देशद्रोही हरकत गरिरहेको छ ।
राष्ट्रपति विद्या भण्डारीद्वारा
रोकिएको नागरिकता विधेयक लत्याउँदै
लछार–पछार पार्दै
प्रचण्डद्वारा मुर्रा राँगा भित्राएर
जिल्ला–जिल्लामा
माइलका माइल लाइन लगाएर
भारतीयहरूले युद्धस्तरमा
नेपाली नागरिकता बाँडिरहेको छ ।
नेपालीहरूलाई युद्धस्तरमा
देश बाहिर निर्यात गरिरहेको छ ।
ढिलो चाडो देश सिक्किम बनाइरहेको छ ।
नेपाली काँग्रेस
नेकपा एमाले
नेकपा माओवादी
यी सबै भारतीय कलेवर ओढेर
मोदीको सह्यार सुसारेमा परिणत भएका छन् ।
संसारलाई चकित पार्दै
गठवन्धनको पासोमा बल्झिएर
देशप्रति घात प्रतिघातको ऐठनमा रमाइरहेका छन् ।
म गर्व गर्छु मेरो देशप्रति
म गर्व गर्छु राजा महेन्द्रप्रति
म गर्व गर्छु राष्ट्र निर्माता पृथ्वीनारायण शाहप्रति
म गर्व गर्छु
शान्ति क्षेत्रका प्रवर्तक राजा वीरेन्द्र
विश्व प्रतिनिधिहरू सामु
देशलाई शान्ति क्षेत्र घोषणा गर्दै थिए ।
यो ऐतिहासिक विरासतप्रति गर्व गर्छु ।
मैले सुनेको छु पटक–पटक
बाबै मनमोहन अधिकारीबाट
माओले भन्थे रे
राजा महेन्द्र आफैँ कम्युनिष्ट रे !
राजा महेन्द्रको देशभक्ति
उनी देशको आधुनिकरण गर्दै थिए
एउटा सवल सक्षम देश दिँदै थिए ।
मुलुकलाई वैभवताको रोपाइ रोप्दै थिए ।
ती वैभवहरू
छताछुल्ल भएका छन् ।
यसबेला देशद्रोही कलेवरमा
ती पार्टीको थाङ्ना ओढाएर
कतै एमाले
कतै नेपाली काँग्रेस
कतै प्रचण्डको कलेवरमा
कतै जातीय पार्टीहरूमा
माओवादलाई गिजोल्नेहरू
देश सिक्किमको बाटोमा पछारेका पछारै छन् ।
देशभक्तहरू हो !
यी गठवन्धनधारी देशद्रोहीहरू
नाङ्गेझार पारौं
देशको राष्ट्रियता धेरै बगिसकेको छ ।
पलायनलाई रोकौं
भारतीय नागरिकको अवैध वाढ रोकौं
देश वचाउन जो–जोसँग जे छ
आऊ देश निर्माणमा सीमा पारिको भेल रोकौं
देश हाम्रो हो
आऊ सबै मिलेर देश बचाऊँ ।
३ फाल्गुण २०८०
तरहरा, इटहरी