ऋतु आशिक | साहित्य | फाल्गुन २६, २०८०
तिम्रो ऐश्वर्य
तिम्रो शान सौकत
तिम्रो पाउमा जीउ हजुरीको ताती
मार्क्सवादको झिल्केदारी
शब्दको प्रक्षेपण गरेर
देशप्रति घात प्रतिघातका
नीलडाम माथि नील डाम थपेर
आफू सर्वाङ्ग भएका छौ ।
मार्क्सवादको झिल्के रङ्गीचङ्गी फुर्का ओढेर
तिम्रो चाटुकारिता
माक्र्सवाद माओवादी माथि ऐठन
हो ! तिम्रो पोल खुली सकेको छ ।
तिम्रो माक्र्सवाद माथिको प्रहार
जता–ततै छताछुल्ल भएको छ ।
तिम्रो भाग्य जस्तो माक्र्सवाद विकृति हुँदै होइन ।
माक्र्सवाद धरौट राख्ने कुकृत्य बन्द गर ।
लेण्डुप दोर्जेका खोल ओढेर
प्रचण्ड यसबेला अल्पमतले
बहुमतलाई कज्याएको छ ।
संसारमा कतै नभएको शासन सत्ता
प्रचण्डले खाइ पल्टेको छ ।
देशभक्तलाई हुर्मत लिइरहेको छ ।
लाज, घीन पचाएका
छिमेकीको तथास्तु जदौ ओढेर
एमाले, काँग्रेस, राप्रपाको बुइँ चढेर
प्रजातन्त्रको दुहाइ दिन नथाक्नेहरु
विचरा काँग्रेसीहरु
दश सिटेको चाकरीमा भर्ती भएका छन् ।
एमाले, काँग्रेसलाई जोती रहेको छ ।
प्रचण्डका स्वार्थहरु
देशभरि बिस्कुन झैँ छरिएका छन् ।
कम्युनिष्टको खोल ओढेर
देशभक्त नेपालीलाई तर्साइ रहेका छन् ।
ती तर्साइमा सिमाना पारिको आशीर्वाद ओढेर
देशमाथि घात प्रतिघात गरेको गरै छौ ।
कुन देशको कानुनमा
देश दश परसेन्टले शासन सम्हालेको छ ?
नागरिक हकको खिल्ली उडाइएको छ ।
न्याय, प्रहरी, प्रशासन अदालत
मौनता साधी रहेका हुन्छन् ।
देशलाई अस्थिरतामा घसारिँदै छ ।
देशलाई झन्–झन् घाइते बनाउदै छ ।
देशलाई झन्–झन् चहराइ रहेको छ
देशको संवेदनशीलतामा प्रहार गरिदै छ ।
हामी मौन धारण गरिरहेको छौ ।
कतै ऐया छैन
कतै आत्था छैन ।
हाम्रो मौनतामा देश ठिङ्ग उभिएको छ ।
देश बचाउने युद्धमा
आऊ हामी आफूलाई सम्हाहित गरौँ
आऊ हामी आफूलाई सम्हाहित गरौँ ।
आँपगाछी, तरहरा, इटहरी
२०८० फाल्गुण २४ बिहीबार