ऋतु आशिक | साहित्य | बैशाख १, २०८१
पञ्चायती व्यवस्था थियो यो देशमा
राजा थियो यो देशमा
सयकडौं कलकारखाना थियो यो देशमा
काम र मामको दुःख थिएन ।
देश खुशहाल थियो
मान्छे–मान्छेमा भेद थिएन ।
बाँच्दाको जन्ती ।
मर्दाको मलामी
देशप्रति गौरव गर्थे ।
राजतन्त्रप्रति गौरव गर्थे ।
माओले भन्थे अरे
'नेपालमा किन चाहियो कम्युनिष्ट शासन
महेन्द्र आफैँ कम्युनिष्ट हुन् रे'
लिम्पियाधुरा, लिपुलेक, कालापानी
हाम्रो पैतृक विरासत हो ।
भारत हाम्रो भूमिलाई
दिनदहाडै लुटिरहेका छ ।
यो लुट खसौटमा
एमाले बोल्दैन ।
काङ्ग्रेस बोल्दैन ।
सद्भावना बोल्दैन ।
राप्रपा बोल्दैन ।
अमेरिकी र भारतीय संयोजन पार्टी
रास्वपा बोल्दैन ।
एमाले, काङ्ग्रेस, माओवादी भएर
एम.सी.सी. र भारुको संयोजनमा
मेरो देशमाथि घात माथि घात गरेका छन् ।
मुस्ताङ माथि
अमेरिकी सेना तैनाथ भएका छन्
युरेनियम माथि लुटपाट भइरहेको छ ।
पार्टीहरू बोल्दैन
मनचिन्ते चाहना पूरा भएका छन् ।
देश माथि झन्–झन् घात हुँदो छ ।
पार्टीहरू देश विक्रीको काट्टो खाएर
देश माथि गद्दारी गरिरहेका छन् ।
नेपालको राजतन्त्र कवच थियो ।
घाम हुरी बतासलाई छेक्ने गथ्र्यो ।
घर–घरमा कोही भोको छ ?
चुल्हो बलेको छ कि छैन ?
चियो गर्न अठपरिया पठाइन्थ्यो ।
रैतीले खाइसकेपछि
राजाले ज्यूनार गरि बक्सिन्थ्यो ।
यो भूमिमा यस्तो राजा थियो
ऊ प्रजावत्सल थियो ।
ऊ देश र जनताप्रति समर्पित थियो ।
रैती र राजा बिचको सम्बन्ध
नङ र मासु जस्तै थियो ।
हाम्रा पुर्खाले भन्थे अरे
यी सदाबहार सत्यता
देशभक्तिको गाथा
एक पिढी पछि अर्को पिढी
वेमिसालहरू हस्तान्तरण गरिदै थियो ।
जब–जब ५/५ वर्षमा चुनाव हुन्छ ।
दक्षिणी भेगबाट
भारतीय नागरिकहरूको भेल आउँछ ।
भारतीयहरुको उलाउ आउँछ
ती भारतीयहरु नेपालीमा परिणत हुन्छन् ।
एमालेको शासन होस्
नेपाली काङ्ग्रेसको शासन होस्
माओवादीको शासन होस्
ती सबै भारतीय शासकका तावेदारी हुन् ।
यो बुद्धको पावन भूमि
यो पृथ्वीनारायणले आर्ज्याको देश
हाम्रा पुर्खाहरूको बलिदानले उभिएको देश
यो राष्ट्र बचाउन
देशभक्त नेपाली नै उठ्नुपर्छ ।
दक्षिणी सिमानाबाट भारतीय नागरिकको भेल
अब थामिनुपर्छ ।
नागरिकता छानविन अभियान युद्धस्तरमा गरिनुपर्छ ।
मुलुक भित्रका पार्टीहरूलाई निस्तेज गरौँ
देशद्रोही पार्टीहरू हरकत बन्द गरौँ
भाडामा नेपाली नागरिक बनाउने खेल बन्द गरौँ
सिमानाबाट ओइरिने भारतीय शासकका करतुत रोकौँ ।
भारतीय शासकका अठपरिया पार्टीहरू
देशद्रोही घृणित पार्टीहरूका बिरुद्ध
आऊ देशभक्तहरू उठौँ ।
स्वतन्त्र सार्वभौम राष्ट्रको अहम्ता उठाऊँ ।
इटहरी, तरहरा
२०८० चैत्र २८ गते बुधबार