देशभक्ति सम्बन्धी केही हाइकु
जेठ १७, २०७७

पराइ आइ
आमाको छाति टेक्दा 
के हेरी बस्नु

                                          पच् पार्ने दाउ
                                          विस्तारवादी चाला
                                           नेपाली छाला

धेरै पर्खियौँ
लाछि ठान्छ छिमेकी
बोलौ न धावा

                                         चन्द्र र सूर्य
                                          प्राणसरि छ मेरो
                                          हुँ म नेपाली

हाम्रो कोखामा 
पराइ साँढे पस्दा
भद्र हेर्दैनौँ

                                    सिंह गर्जदा
                                    खरायो डराएन
                                   कुवा देखायो 

बल्ल था पायौँ
लिम्पिया पारि काली
हुन् महाकाली

                                       त्यो माटो मेरो
                                      पुर्खाको पुरुषार्थ 
                                    किन छाड्छु म

मौका यही हो
समाधान सीमाको
लौ थालौँ वार्ता 

                                            देखावा नारा
                                            सत्य मेव जयते
                                            हातैमा छुरा