महाशून्यबाट उद्वेलित हुन्छ चैतन्य चिदाकाशमा हुँडारिन्छन् अक्षरका गेडाहरु अनि कविताको विस्फोट हुन्छ अनेकानेक जगतहरु, दृष्यहरु, ध्वनिहरु तर मैले सँगाली नसक्दै ती गेडाहरु विलीन हुन्छन् जसरी हिँऊका गेडा हत्केलामा सम्हाल्दा सम्हाल्दै पग्लन्छन् र बग्छन् कवितै कविताले भरिन्छन् मेरा कविताहरु अनि ती...

हिँऊको हल्का वर्षापछि अविरल बर्षा रोकियो हिँऊ देखियो जमिनमा, पहाडमा, बुट्यानमा लालीगुराँस, गुलाफ पनि सेतै देखियो । अचम्म प्रकृति सेताम्मै छे, शोड़षी नवयौवना जस्ती सेतै फ़ूलेकी तर परमसुन्दरी । म आज गुलाफ़ फ़िका देख्दैछु बंगैचाका रंग, मौरीका भुनभुन मलाइ लोभ्याउन...